Planong magdeklara ng lokal na pamahalaan ng Bacoor City sa Cavite ng State of Emergency dahil sa nararanasang malawakang pagbaha bunsod ng hanging habagat.
Ayon kay Mayor Lani Mercado-Revilla, nagpulong kahapon ang kanilang Disaster Council at napag usapan ang posibleng deklarasyon nito.
Ani Revilla, aabot na sa mahigit 60K pamilya ang naapektuhan ng pagbaha at 85 pamilya lamang ang nailikas mula sa kanilang bahay.
Nasa halos 26K pamilya naman sa 28 Barangay ang nakatanggap na ng relief goods.
Tiniyak naman ng Alkalde na patuloy ang pamamahagi ng lokal na pamahalaan ng tulong sa mga residenteng naapektuhan ng pagbaha.
