Tiwala ang Armed Forces of the Philippines na magiging sagot sa paglaban sa terorismo ang pagpasa sa panukalang Bangsamoro Basic Law.
Ayon kay AFP Chief of Staff Gen. Carlito Galvez, magandang pagkakataon ang pagpasa sa BBL upang mapagkaisa ang mga rebeldeng grupo sa Mindanao at mahikayat ang mga ito na makipagtulungan sa pamahalaan.
Labis aniyang ikinatutuwa ng AFP gayundin ng mga miyembro ng Moro Islamic Liberation Front ang naturang balita at umaasa siyang magtutuloy – tuloy na ito hanggang sa ganap nang matamo ng bansa ang inaasam na kapayapaan.
Dahil dito, kumpiyansa rin si Galvez na magiging masigla ang MILF sa pakikipagtulungan bagama’t aminado siyang magiging malaking hamon para sa kanila ang pagpapatupad ng mismong batas.