Pinaplano ng Department of Health (DOH) na idagdag ang COVID-19 vaccines sa regular immunization program ng bansa.
Sa gitna na rin ito nang pag-review sa polisiya ng DOH upang mapalawak ang pagtuturok ng bakuna at booster, kasabay nang papasok na administrasyon ni Pangulong Ferdinand ‘Bongbong’ Marcos Jr..
Ayon sa DOH, sinusuri na nila ang mga umiiral na polisiya sa bakuna, upang matukoy ang mga kinakailangang baguhin.
Ilan sa mga sakit na mayroon nang bakuna ang gobyerno sa ilalim ng regular immunization program ay ang Polio, Measles, Pneumonia, Rabies, Tuberculosis at Hepatitis B.