Tiniyak ng PSG o Presidential Security Group ang pagdalo ni Sgt. Jonel Sanchez sa imbestigasyon ng House of Representatives sa di umano’y illegal drug trade sa loob ng New Bilibid Prison (NBP).
Si Sanchez ay dating security aide ni Senador Leila de Lima bilang Justice Secretary at inaakusahan ngayong bagman o tagakolekta di umano ng kita sa illegal drugs sa loob ng Bilibid.
Kasabay nito, muling itinanggi ng PSG sa pamamagitan ni Lt. Colonel Michael Aquino ang alegasyon ni De Lima na pinupuwersa nila si Sanchez na idiin siya sa bentahan ng droga sa NBP.
Sa katunayan, maliban anya sa confined to barracks si Sanchez dahil sa imbestigasyon ay normal naman ang itong nakakagalaw at puwede rin itong madalaw.
Bahagi ng pahayag ni PSG Spokesperson Lt. Col. Michael Aquino
By Len Aguirre | Ratsada Balita
