Pormal nang idineklara ni Cebu City Mayor Tomas Osmeña ang pagbubukas ng ‘Sinulog 2018 Grand Parade.
Sa kanyang opening speech ay pinasalamatan ni Osmeña ang lahat ng volunteers na naghirap para maging maayos ang pagdiriwang ng nasabing kapistahan.
Dumalo bilang panauhing pandangal sina Tourism Secretary Wanda Teo at Defense Secretary Delfin Lorenzana.
Sinimulan ang selebrasyon sa pamamagitan ng pagdaraos ng isang misa kaninang alas 8:00 ng umaga sa Archdocesan Shrine of St. Therese of the Child Jesus na pinangunahan ng parish priest nito na si Msgr. Roberto Alesna.
Pinasigla naman ng mga street dancers ang ilang kalsada suot ang kani – kanilang makukulay at magagarbong costumes bilang alay sa batang Hesus.
Samantala , mahigpit na ipinatutupad ng police regional office sa Central Visayas ang liquor ban habang isinasagawa ang grand parade.
