Bigo na naman si Pangulong Rodrigo Duterte na bisitahin ang mga biktima ng lindol sa Malalag at Padada sa Davao Del Sur.
Una nang kinansela ang kanyang pagbisita sa naturang probinsiya nuong Huwebes, Enero 2.
Hindi na tumuloy ang pangulo sa naturang aktibidad dahil sumama ang pakiramdam nito partikular ang kanyang tiyan dahil kanyang kinain.
Kinatawan naman ang pangulo si Presidential son Davao City Vice Mayor Sebastian ‘Baste’ Duterte at Senator Christopher Bong Go.
Ayon kay Go, hindi naman masama ang lagay ng pangulo dahil ordinaryo lamang ang nararamdaman nito lalo sa kanyang edad na 74.
Ngunit inaasahang babalik na ang pangulo sa Maynila sa Sabado, Enero 4, para dumalo sa turn over ng AFP Chain of Command at paglagda naman ng national budget para sa taong 2020 sa Lunes, Enero 6.
