Hinarang ng Commission on Elections (Comelec) ang pagbabayad ng P15-M halaga para sa debate contractor.
Nabatid na naglabas ng memorandum si Commissioner Rey Bulay na kumikuwestiyon sa pag-apruba nina Chairman Saidamen Pangarungan at Commissioner Socorro Inting hinggil sa naging basehan ng purchase request nina Comelec Director James Jimenez at Frances Arabe na nagkakahalaga ng P15.3-M para sa private firm na Impact Hub Manila para sa debate ng mga kandidato sa 2022 elections.
Matatandaang ibinunyag ng Sofitel na hindi pa bayad sa kanila ang impact Hub at tumalbog umano ang mga tseke nito dahilan kaya nakansela ang nakatakda sanang presidential debate noong nakaraang linggo.
Sa ngayon, pinagpaplanuhan ng Comelec ang pagsasagawa ng interview sa mga kandidato sa Abril a-30 na tatagal hanggang Mayo a-1.
