Tinabla ni Chief Presidential Legal Counsel Salvador Panelo ang mga ispekulasyon na kaya bumaba ang net trust at satisfaction ratings ni Pangulong Duterte ay dahil sa mga exposé ni Senador Antonio Trillanes IV laban sa Punong Ehekutibo.
Ayon kay Panelo, walang kaugnayan ang mga alegasyon ni Trillanes laban sa Pangulo lalo’t wala naman aniyang naniniwala sa senador.
Tinawag din ni Panelo na isang wishful thinking lamang ng mga kritiko ng administrasyon ang sinasabing senyales umano ito ng pagbagsak ng Pangulo.
Binigyang diin pa ng kalihim na hindi interesado ang Pangulo sa mga rating at nakatuon lamang ang atensyon nito sa pamamahala ng bansa.
—-
