Tinuligsa ng UNICEF o United Nations Children’s Fund ang isinusulong na pagpapababa sa edad ng criminal liability ng mga juvenile offender mula 15 hanggang 9 na taong gulang.
Sa ulat ng ‘the guardian’, binigyang diin ni Lotta Sylwander, kinatawan ng UNICEF sa Pilipinas, na ang hakbang na ito ng pamahalaan ng Pilipinas ay paglabag sa karapatang pantao.
Giit ni Sylwander, hindi lubusang nauunawaan ng mga bata ang epekto ng kanilang mga aksiyon lalo na kung tinatakot lamang sila ng mas nakatatanda sa kanila o adult.
Aniya, mahalaga ring tingnan ng Duterte Administration ang mga datos ng pulisya na nagsasaad na dalawang porsiyento lamang ng mga krimen sa bansa ang nagawa ng mga batang ‘below 15’ ang edad.
By: Jelbert Perdez
