Nanawagan ang mga health worker ng Zamboanga City sa gobyerno na ilagay sa Modified Enhanced Community Quarantine o MECQ ang kanilang quarantine classification.
Sa ngayon kasi ay nasa ilalim ng General Community Quarantine o GCQ ang lungsod.
Ayon kay Zamboanga City COVID-19 Task Force Spokesperson Kenneth Beldua, mayroong 2,551 active COVID -19 cases sa Zamboanga City kung saan umaabot sa 150 cases ang average na bilang na naitatala kada araw habang 10 hanggang 12 naman ang nasasawi dahil sa virus kada araw doon.
Dahil sa pagtaas ng mga kaso ng COVID-19 sa lugar ay kinukulang na rin sila sa suplay ng oxygen at COVID hospital beds.
Sinabi pa ni Beldua na isa sa mga dahilan ng pagtaas ng COVID cases sa kanilang lugar ay dahil na rin sa mabagal na vaccination program doon.—sa panulat ni Hyacinth Ludivico