Posibleng umabot hanggang Disyembre ang pag-alis ng 12-percent value-added tax o VAT sa system loss sa singil sa kuryente.
Ayon kay Energy Regulatory Commission Chairman Francis Saturnino Juan, kailangan muna ng pagpapatibay ng Bureau of Internal Revenue (BIR) bago maisakatuparan ang naturang panukala.
Maaaring maipalabas anya ng ERC ang resolusyon pagkatapos ng mga konsultasyon sa Setyembre, pero kailangan pa ng panahon ng BIR para sa mga pagbabago, gayundin ng mga kooperatiba at private electric utility para sa bagong billing format.
Nilinaw ni Chairman Juan na nasa 50-billion pesos ang kabuuang system loss charges na binayaran ng mga consumer noong nakaraang taon, na nagbunga ng 6-billion pesos VAT collection ng gobyerno.
Samantala, nanawagan ang Association of Electric Cooperatives na mas mainam na alisin ang buong 12-percent VAT sa electric bill, hindi lamang sa system loss. | sa panulat ni Jordan Gutierrez
