Tiniyak na ikinagulat at ikinagalit ng mga lumahok sa imbestigasyon ng Senado at Kongreso ang pagkaka – absuwelto ng mga nagbitiw na opisyal ng Bureau of Customs o BOC sa pagkakapuslit ng mahigit sa P6-B halaga ng shabu sa bansa.
Ayon kay Senador Panfilo Lacson, hindi kapani – paniwala na maluwag na nakapasok sa bansa ang bilyon – bilyong pisong halaga ng shabu at nakarating sa bodega sa Valenzuela, kung walang nakipagsabawatan mula sa Bureau of Customs.
Binigyang – diin ni Lacson na kahit man lamang sa kapabayaan ay siguradong mayroong dapat panagutan ang mga dating customs officials sa pangunguna ni dating Customs Chief Nicanor Faeldon.
Samantala, hindi naman na ipinagtaka ni Senador Kiko Pangilinan ang pagkaka – abswelto ng Department of Justice o DOJ kina Faeldon at iba pa.
Hindi na kataka – taka ‘yung bakit ganito ‘yung… nagging desisyon ng DOJ. Kapag kakampi nila ay pinapalusot nila at kapag katunggali nila sa pulitiko, iniipit nila. – Sen. Pangilinan
