Nasamsam ng mga otoridad, ang nasa mahigit kalahating milyong halaga ng ecstasy sa ikinasang controlled delivery operations ng mga tauhan ng PNP Drug Enforcement Group at mga tauhan Ninoy Aquino International Airport Inter-Agency Drug Interdiction Task Group sa Barangay 49, Dagupan Street, Tondo, Maynila.
Ayon sa mga otoridad, nasa mahigit 200 piraso ng tableta ng party drugs na ecstasy ang nasabat mula sa isang lalaki na nagkakahalaga ng aaabot sa mahigit P580,000.
Inaalam pa ang pagkakakilanlan ng nagpadala ng package mula Germany habang paglabag sa Customs Modernization and Tariff Act at Comprehensive Dangerous Drugs Act ang kasong haharapin ng lalaking kumuha ng padala.—sa panulat ni Angelica Doctolero
