Nasabat ng National Bureau of Investigation o NBI ang 500,000 pesos na halaga ng mga pekeng gamot sa Plaridel, Bulacan.
Ayon kay Atty. Cesar Bacani, Regional Director ng NBI-National Capital Region, nakatanggap sila ng impormasyon na ginagawang imbakan ng mga pekeng gamot ang dalawang bahay sa nasabing lugar.
Naniniwala ang NBI na posibleng iisang grupo lamang ang nagpapatakbo ng pagbebenta ng mga pekeng gamot sa iba’t ibang lugar.
Kaya payo ng NBI sa publiko, doble ingat sa pagbili ng mga gamot at huwag basta-basta bibili sa mga maliliit na tindahan.
—-
