Inihihirit ng grupong Pasang Masda ang limang pisong dagdag sa minimum fare sa mga pampublikong sasakyan.
Ayon kay Pasang Masda President Obet Martin, posibleng talakayin sa Mayo ang hirit nilang dagdag sa pamasahe dahil sa pagsisimula ng Service Contracting Program Part 3 o ang tinatawag na free rides na programa ng pamahalan para sa mga driver ng modern jeepneys at traditional jeepneys.
Nabatid na kada araw, kumikita ang mga driver ng P1k dahil sa programa pero nakadepende umano ito sa kada kilometro na kanilang itatakbo.
Ayon kay Martin, malaking tulong man ang nasabing programa sa mga tsuper, hindi parin nila isasantabi ang panawagan na dagdag sa pamasahe bunsod ng tuloy-tuloy na pagtaas ng presyo ng produktong petrolyo.
