Naglaan na ang gobyerno ng 27.7 billion pesos sa panukalang pambansang pondo para sa susunod na taon upang i-upgrade ang railway infrastructure ng bansa.
Magmumula sa inilaang pondo ang inisyal na 6.5 billion pesos na gagamitin para naman sa konstruksyon ng Phase 1 ng Mindanao Railway Project o MRP ay magdurugtong sa mga lungsod ng Tagum, Davao at Digos.
Kabuuang 36 billion pesos ang gastos sa konstruksyon ng phase 1 pa lamang ng nasabing proyekto na sisimulan sa susunod na taon at target na masimulan ang operasyon sa taong 2022.
Bukod sa MRP na nasa ilalim ng Railway Construction, Rehabilitation and Improvement Sub-Program, kabilang din sa pinaglaanan ng pondong aabot sa 7 billion pesos ang North-South Railway Project Phase 2, na magdurugtong sa Tutuban, Maynila; Calamba City, Laguna; Batangas; Legazpi City, Albay at Matnog, Sorsogon.
By Drew Nacino
