Nag-alok na ng P200,000 reward si Malabon City Mayor Antolin Oreta III sa sinumang makapagbibigay impormasyon upang madakip ang mga pumaslang kay Councilor Merlin “Tiger” Mañalac.
Ipinag-utos na rin ni Oreta ang malalimang imbestigasyon habang hindi isinasantabi ang anggulong pulitika sa pamamaslang.
Ayon kay Malabon City Police Chief, Sr. Supt. Severino Abad Junior, dadalo sana ang biktima sa pulong ng Liberal Party-Pusong Malabon Team sa pangunguna ni Oreta kabilang ang iba pang konsehal nang maganap ang krimen, kahapon.
Palabas na anya sana ng bahay si Mañalac nang pagbabarilin ng 2 hindi nakilalang lalaki na lulan ng motorsiklo, sa barangay Tenejeros, mag-aalas kwatro ng hapon.
Noong isang taon pa umano nakatatanggap ng mga death threat ang konsehal at wala rin itong body guard nang pagbabarilin.
By: Drew Nacino
