Aabot na sa P100-M tulong ang naipalabas ng State-run pension fund na Government Service Insurance System (GSIS) para sa edukasyon ng kanilang mga miyembro.
Sa ilalim ito ng Educational Subsidy Program (GESP) ng GSIS para sa kasalukuyang academic year na nagpapaabot ng P100-M financial assistance sa sampung libong kwalipikadong miyembro ng ahensiya.
Dahil dito, aabot sa P10,000 ang matatanggap ng mga mag-aaral kada academic year.
Sinabi naman ni GSIS president at general manager Wick Veloso na layon ng programang matulungan ang mga manggagawa ng gobyerno at retirees na nagpapaaaral pa ng kanilang anak.
Sa ngayon, aabot na sa 12,140 mag-aaral sa bansa ang napadalhan ng tulong sa ilalim ng Educational Subsidy Program.
