Aprubado na ang 100 pisong dagdag kontribusyon ng mga miyembro ng PAGIBIG Fund pero hahatiin ang pagpapatupad nito sa dalawang taon.
Mula sa umiiral na 100 piso kada buwan, magiging 150 pesos ang monthly contribution pagsapit ng 2021 at magiging 200 piso sa 2023.
Ayon kay PAGIBIG Chief Executive Officer Acmad Moti, layon nito na madagdagan ang pondo ng PAGIBIG para maipautang sa mga miyembro.
Plano rin anya nila na lakihan sa susunod na taon ang pwedeng mautang na pabahay.
UIna rito, nagbabalak sanang mangutang ang PAGIBIG fund ng pandagdag pondo para maipautang sa mga miyembro kung hindi naaprubahan ang dagdag na kontribusyon.
