Tinatayang P1.36 milyong halaga ng pinaghihinalaang droga ang nasabat sa isinagawang joint operation ng Bureau of Jail Management and Penology (BJMP) at City Drug Enforcement Team (CDET) ng Antipolo Philippine National Police (PNP) sa Brgy. San Jose, Antipolo City, Rizal.
Kinilala ang mga suspek na sina Katherine Tenedora Salansang at Rosary Tenedora Salansang.
Nakumpiska sa kanila ang dalawang sachet na may lamang 200 grams ng shabu.
Kung mapatunayang nagkasala, mahaharap ang mga suspek sa kasong paglabag sa Republic Act No. 9165 o Comprehensive Dangerous Drugs Act of 2002.
