Isinailalim na sa state of calamity ang Ormoc City dahil sa tumataas na bilang ng mga nagkaka dengue sa lugar.
Ayon kay Ormoc City Mayor Richard Gomez, nakapagtala ang kanilang city health department ng 246 na kaso ng dengue kung saan dalawa ang nasawi mula Enero hanggang ngayong buwan.
Sinabi ni Gomez sa ika 27th linggo ng taong ito ay nakapagtala ng 25 bagong dengue cases na mas mataas sa pitong kaso lamang na naitala sa parehong panahon noong isang taon.
Inihayag ni Gomez na naglunsad na sila ng malawakang clean up drive sa lungsod para tugunan ang problema sa dengue.
