Inatasan ni Philippine National Police (PNP) Chief P/Gen. Debold Sinas ang Integrity Monitoring and Enforcement Group (IMEG) na magtatag ng complaint desk sa 17 mga Regional Training Center sa buong bansa.
Ito’y para mapalakas ang kanilang pagbabantay sa mga tiwali nilang kabaro na nasasangkot sa iba’t ibang iligal na aktibidad bilang bahagi ng kanilang pinaigting na internal cleansing program.
Bilang tugon, inilunsad ni IMEG Director P/Col. Thomas Frias Jr. ang OPLAN PAGBANSAY o Bantay sa Pagsasanay na layong manmanan ang mga abusado at tiwaling mga tauhan ng kanilang training centers.
Nakipag ugnayan din ang IMEG sa PNP Training Institute sa pangunguna ni P/MGen. Alex Sintin para maisakatuparan ang direktiba ng PNP Chief.
Mula kahapon, Marso a-7 ani Frias, aabot na sa 80 mga complaint desk ang kanila nang naitatag para mapanatili ang integridad ng pagsasanay sa mga bagong henerasyon ng Pambansang Pulisya. —ulat mula kay Jaymark Dagala (Patrol 9)
https://twitter.com/dwiz882/status/1368921591820611587
