Nakatakda nang ilabas ng Commission on Elections o COMELEC ang opisyal na listahan ng mga kandidato sa May 13 midterm bago mag Enero 23.
Ito ang tiniyak ni COMELEC Spokesman James Jimenez kasabay ng pahayag na target nilang simulan ang pag-i-imprenta ng mga balota sa ikatlong linggo ng buwan.
Ayon kay Jimenez, inaasahang magsisimula ang ballot printing sa pagitan ng Enero 23 hanggang 25.
Magugunitang inihayag ng poll body na Disyembre 15 ang target date para sa release ng official candidate list subalit naunsyami matapos resolbahin ng ahensya ang disqualification cases ng ilang kandidato.
