Pahinga muna sa pagsali sa mga kumpetisyon si 6 time Olympic champion trackster Usain Bolt.
Ibig sabihin nito, hindi na tatapusin ni Bolt ang Diamond league finale sa Brussels na gaganapin sa darating na Biyernes.
Paliwanag ni Bolt, kanyang paghahandaan ng husto ang 2016 Olympics na gaganapin sa Rio de Janeiro sa Brazil.
Maliban dito, tatangkain din ni Bolt na maidepensa ang kanyang mga titulo sa 100 meter, 200 meter at 4 by 100 meter race.
Matatandaang nito lamang nakaraang buwan ay nasungkit ni Bolt ang triple gold medal sa World Championships sa China.
By: Ralph Obina
