Obama approach ang dapat gamitin ni Secretary Mar Roxas upang masiguro ang pagkapanalo sa darating na eleksyon.
Ibig sabihin nito, ayon kay Albay Governer Joey Salceda, dapat ay makuha ni Roxas ang pinakamaliit na grupo at hindi sapat na umasa lang ito sa basbas ng Pangulo.
Bagamat hindi naman daw maitatanggi na malaki rin ang epekto ng pag-endorso ng Pangulo, hindi uubra kay Roxas ang istilong nagpanalo noon kay Pangulong Aquino.
Samantala, tatanggihan daw ni Salceda kung iaalok sa kanya ang posisyon bilang kalihim sa Department of Interioe and Local Government (DILG).
Aniya, nais nitong makatulong sa kandidatura ni Roxas at hindi niya iyon magagawa kung iluluklok siya sa posisyon.
Isa si Salceda sa mga matunog na papalit kay Roxas sa DILG.
By Avee Devierte | Jonathan Andal
