Itatalaga ng Pangulong Rodrigo Duterte si Moro National Liberation Front (MNLF) Founding Chairman Nur Misuari sa parliyamento sa ilalim ng Bangsamoro Autonomous Region in Muslim Mindanao (BARMM).
Ayon kay Moro Islamic Liberation Front (MILF) Vice Chairman Ghadzali Jaafar, mayroong nakatakdang pulong ang Pangulong Duterte at Misuari hinggil sa BARMM.
Maliban aniya kay Misuari, mabibigyan rin ng puwesto ang iba pang opisyal ng Moro National Liberation Front na pinamumunuan ni Chairman Yusp Jikiri.
Samantala, sa ilalim ng kasunduan, apatnapu’t isa (41) sa walumpung (80) upuan sa parliyamento ang mapupunta sa MILF.
(Balitang Todong Lakas Interview)
