Nanawagan ang National Union of Journalists of the Philippines (NUJP) para sa isang kalmado at payapang eleksyon.
Kasunod ito ng mga ulat ng mga banta at panggigipit na natatanggap ng mga peryodista mula sa mga masugid na tagasuporta ang ilang mga presidential candidate.
Sa pahayag ng NUJP, sinabi nitong nakaaalarma ang tahasang pagkamuhi ng ilang mga indibidwal sa mga taong hindi nila kapareho ng pulitikal na pananaw.
Sinabi rin ng NUJP, batay sa kanilang pagsusuri, mga supporter ng namamayagpag na presidential candidate na si Davao City Mayor Rodrigo Duterte ang madalas mam-bully sa mga supporter ng ibang kandidato.
By Avee Devierte
