Mariing inatasan ng National Telecommunications Commission (NTC) ang mga public telecommunications entities o telcos na magbigay ng libreng tawag at charging stations sa mga lugar na daraanan ng papasok na bagyong Odette.
Maliban dito, ipinaalala rin ng NTC sa telco providers na dapat ay mayroon silang sapat na technical at support personnel, maging ng mga standby generator sa lugar na maaapektuhan ng bagyo.
Kasabay nito, inatasan din ng komisyon ang telcos na bilisan ang repair at restoration ng telecommunication services sa mga apektadong lugar.
Inaasahang papasok sa bansa ang bagyo mamayang gabi at tinayang magla-landfall sa Caraga-Eastern Visayas sa Huwebes.
