Nilinaw ng Nationalist People’s coalition o NPC na hindi pa napagpapasyahan ng partido kung si Sen. Grace Poe ang susuportahan nito sa 2016 presidential elections.
Sa panayam ng DWIZ, sinabi ni NPC Spokesman Rep. Mark Enverga na bagama’t may nabuo nang executive committee ay patuloy pa nilang tinitimbang ang mga usapin upang ganap itong madesisyunan.
Paliwanag naman ni Enverga, nagpahiwatig na umano si Dating Ambassador at NPC Founder Danding Cojuangco na kung ano man ang magiging pasya ng mga miyembro ay igagalang niya ito.
“Parang ipinaubaya na nya sa mga liderato ng partido ngayon kung paano ang desisyon. Parang may nabanggit sya noon na kung ano man ang inyong plano, kung ano ang inyong mapagkaisahan ay rerespituhin ko na lang,” pahayag ni Enverga.
By: Jelbert Perdez | Karambola
