Inihayag ng National Disaster Risk Reduction And Management Council (NDRRMC) na ang sektor ng agrikultura sa Northern Luzon ang pinakanaapektuhan ng Bagyong Florita.
Sa panayam ng DWIZ, sinabi ni NDRRMC assistant Secretary Bernardo Rafaelito Alejandro the fourth na sumampa na sa mahigit P 1-B ang pinsala sa nabanggit na sektor kung halos 7,000 magsasaka ang naapektuhan.
Nasa 42,000 pamilya rin ang apektado sa mahigit 600 barangay sa nasabing lugar.
Nananatili naman sa tatlo ang bilang ng mga nasawi kung saan bineberipika pa ang isang casualty mula sa Bicol.
Samantala, sinabi ni Alejandro na naibigay na ng concerned government agencies ang tulong sa mga naapektuhang indibidwal.
” Opo yung relief items natin ay nabigay naman o natulungan natin kaagad, at yung LGU’s sa assistance na binigay naman ng DSWD, yung mga food items kasama na diyan at non-food items, so ayun po, madami naman po tayong prepositions before tumama si Florita, so nakatulong naman tayo but ngayon medyo ,magfocus na tayo sa rehabilitation and recovery, nung mga affected communities,ano na po itong agriculture sector po natin”.
