Nakahanda ang National Disaster Risk Reduction and Management Council (NDRRMC) na tumulong sakaling mas tumaas pa ang Alert level sa Bulkang Bulusan na matatagpuan sa lalawigan ng Sorsogon.
Ayon sa NDRRMC, kanila nang inatasan ang Bicol RDRRMC na magtalaga ng preposition teams at dagdag na resources sa lugar bilang paghahanda sakaling mas tumindi pa ang kundisyon ng Bulkang Bulusan.
Matatanaang inilagay ito sa Alert level 1 ng Philippine Institute of Volcanology and Seismology (PHIVOLCS) makaraang magkaroon ng phreatic eruption noong Sabado ng umaga.
Nakikipag ugnayan na ang NDRRMC sa Office of the Civil Defense, Bicol RDRRMC, at PHIVOLCS maging ang mga Local Government (LGUs) at Disaster Managers para sa anumang developments sa nabanggit na lugar.
Sa ngayon, kasalukuyang nagpapadala ng mga advisory, emergency text alerts at local announcements ang lokal na pamahalaan para bigyang paalala ang mga residenteng nakatira malapit sa Bulkang Bulusan.