Pinatututukan ni Justice Secretary Vitaliano Aguirre ang kaso ni NBP o National Bilibid Prison Guard Ernesto Dionglay Jr makaraang makumpiskahan ito ng daan-daang gramo ng shabu kahapon
Ayon sa kalihim, nais niyang mahimay ang bawat detalye sa isinasagawang imbestigasyon laban kay Dionglay upang masampahan ito ng kaukulang asunto
Kabilang si Dionglay sa mga kawani ng NBP na isinailalim sa inpesksyon ng PNP SAF o Special Action Force sa gate ng maximum security compound kung saan, nakuha sa pag-iingat nito ang may 100 gramo ng hinihinalang shabu
Kasalukuyang nakakulong na si Dionglay sa Muntinlupa at sasampahan ng kasong paglabag sa Section 11 ng Republic Act 9165 o Comprehensive Dangerous Drugs act of 2002
