Puspusan na ang ginagawang imbestigasyon ng National Bureau of Investigation upang matunton ang utak ng mga kumakalat na fake news sa bansa.
Ayon kay NBI Director Jaime Santiago, tinitignan ng kanilang ahensya kung pinopondohan ng mga indibidwal o grupo ang mga vlogger para magpakalat ng maling impormasyon online.
Ang nasabing imbestigasyon anya ay inilunsad matapos maaresto ng mga otoridad ang sinasabing isang fake news vlogger mula sa Cebu.
Binigyan-diin ng ahensya na sinabi ng nahuling vlogger na hindi siya nagtatrabaho kanino man at hindi hindi rin tumatanggap ng anumang bayad kapalit ng pagkakalat ng maling impormasyon.
Una nang ibinunyag ng NBI na mayroon silang 20 vloggers na sinusubay-bayan na hinihinalang nagpapakalat ng fake news. —sa panulat ni Kat Gonzales
