Dumating na sa Iligan City ang navy ship karga ang relief goods at mga heavy equipment para sa rehabilitasyon ng Marawi City.
Diniskarga ng BRP Davao del Sur sa Iligan Port ang dalawang payloader at dalawang backhoe na gagamitn ng Army engineers at Navy Seabees sa Marawi.
Pansamantalang inilagay ang mga heavy equipment sa Balo-i area, malapit sa Marawi City na gagamitin sa oras na magsimula ang konstruksyon ng mga nasirang gusali.
Samantala, ipinamahagi naman ang relief goods sa mga bakwit na nanunuluyan sa mga bayan ng Saguiaran, Lanao del Sur; Balo-i, Pantar at Iligan City, Lanao del Norte.
