Dahil sa dedikasyon at pagsusulong ng kapayapaan sa bansa, nagsagawa ng naval exercise ang Multi-Capable Frigate BRP Jose Rizal ng Philippine Navy kasama ang PNS Tughril ng Pakistan Navy sa Matinloc Platform, El Nido, Palawan.
Layunin nito ang pagkakaroon ng pantay-pantay na respeto at estabilidad sa buong Indo-Pacific Region at patunay ng pagpapayaman sa kaligtasan at seguridad sa baybayin ng Pilipinas.
Kabilang sa ikinasa sa nasabing lugar ay ang semaphore exercise, flag hoisting exercise, at simple maneuvers upang suriin ang abilidad ng mga barko sa ship-handling at seamanship.
Kasabay nito, binigyang pagkilala din ng Philippine Navy ang Pakistan Navy sa magandang samahan upang maging maayos at mapabuti ang bawat mga bansa. —sa panulat ni Angelica Doctolero
