Isinusulong ni outgoing Armed Forces of the Philippines (AFP) Chief of Staff General Gregorio Pio Catapang na magkaroon ng naval base sa may bahagi ng Batanes.
Ito ay matapos na matuklasan na iligal na pinapasok ng mga Taiwanese poachers ang ilang mga isla sa lugar.
Ayon kay Catapang, sinang-ayunan naman ng Philippine Navy ang kanyang panukala ngunit magagawa aniya ito kapag natapos ang naval base sa may Oyster Bay sa Palawan.
Sa ngayon aniya ay nakapagpadala na dagdag tropa ng militar upang matutukan ang bahaging iyon ng bansa.
By Rianne Briones
