Magsasagawa ng nationwide simultaneous earthquake drill ang Office of Civil Defense, ngayong araw.
Sisimulan ang drill sa 5th Avenue sa Global City, Taguig, ngayong alas-8:30 ng umaga.
Dadalo sa nasabing aktibidad sina Defense Secretary at National Disaster Risk Reduction and Management Council (NDRRMC) Chairman Voltaire Gazmin, Philippine Institute of Volcanology and Seismology (PHIVOLCS) Director Renato Solidum, DSWD Assistant Secretary Vilma Cabrera at Taguig Mayor Laarni Cayetano.
Ang nasabing drill ang magsisilbing preparasyon ng publiko sa oras na tumama ang malakas na lindol dulot ng valley fault system sa Metro Manila, Rizal, Bulacan, Cavite at Laguna.
By Drew Nacino
