Napaiyak ang sexy actress na si Nathalie Hart nang malaman niyang siya ay nagdadalantao.
Kwento ni Nathalie, gumamit siya ng sampung pregnancy test para makumpirma kung siya ba ay buntis talaga.
Ayon sa sexy actress, hindi pa kasi siya handang magbuntis dahil marami pa siyang nais gawin partikular ang mga upcoming projects niya na pelikula.
Bagama’t nakatakda naman siyang ikasal sa boyfriend na mula sa New Delhi, India, nais daw sana niya na magbuntis matapos ang seremoniya.
Gayunman, itinuturing pa rin ni Nathalie na blessing ang kanyang pagbubuntis at never umanong sumagi sa kanyang isip na huwag itong ituloy.
Si Nathalie ang pinakahuling modelo para sa cover photo ng FHM magazine.
—-
