Pumalo na sa 137 ang bilang ng mga Palestinians na nasawi sa pambobomba ng Israel.
Ayon sa ulat, bukod sa mga namatay na kinabibilangan ng 36 bata ay halos isang libong indibidwal din ang sugatan nang paulanan ng bomba ang isang refugee camp sa Gaza.
Sa kabila naman ng panawagan ni United Nations Chief Antonio Guterres na itigil muna ang opensiba, binigyang diin ni Israel Prime Minister Benjamin Netanyahu na magpapatuloy ito hangga’t hindi naibabalik ang katahimikan sa kanilang bansa.
