Minomonitor ng Philippine National Police ang may sampung (10) dayuhang terorista na nasa bansa.
Ayon kay PNP Chief Director General Ronald ‘Bato’ dela Rosa, ang naturang mga dayuhang terorista ay ipinapadala dito sa Pilipinas para sanayin bago ipadala sa Syria kung saan naroon ang Islamic State.
Patunay aniya nito ang Sudanese national na hinihinalang miyembro ng Jihadist group na Ansar Al-Khilafa na napatay ng mga awtoridad sa Sarangani noong Sabado.
Kinilala itong si Abu Naila na sinasabing nais magtungo at lumaban sa Syria para sa ISIS kayat dito muna ipinadala sa Pilipinas para sa training.
Samantala, aminado si Dela Rosa na may ilang dayuhang terorista na Malaysian at Indonesian ang itsura at may kakayahang magsalita ng Filipino at dayalekto sa Mindanao kayat hirap silang mamonitor ang mga ito dahil sa mukhang Pilipino ang mga ito.
By Ralph Obina
