Itinaas sa tinatayang P1 bilyon ni incoming President Rodrigo Duterte ang kanyang ibibigay na pabuya sa sinumang makapaglilikida sa mga drug lords sa bansa.
Ayon kay Duterte, tig-5 milyong piso ang nakalaan para sa sinumang makapapatay sa may 200 drug lords.
Dalawang milyong piso naman aniya ang nakalaan para sa sinumang makapapatay sa mga tumatayong distributor ng droga.
Habang nasa P50,000 ang nag-aabang na pabuya para sa sinumang makapapatay sa mga small time drug peddlers o tulak.
Kasunod nito, hinikayat ni Duterte ang publiko na makipagtulungan sa mga awtoridad upang maisulong ang kampaniya kontra iligal na droga sa bansa.
By Jaymark Dagala
