Muling nakapagtala ang Department of Health (DOH) ng mahigit sa 2,000 bagong kaso ng COVID-19 kahapon.
Ayon sa DOH, sumampa muli sa 2,074 ang new COVID-19 cases, bahagyang mataas sa naitalang 1,841 noong Martes.
Tumaas din sa 20,678 ang aktibong kaso, mula sa 20,511.
Ang mga rehiyong may pinakamaraming kaso sa nakalipas na dalawang linggo ay ang NCR na may 10,393, CALABARZON na may 5,937 at Central Luzon na may 2,634.
Nananatili naman sa 60,641 ang death toll habang 3,657,841 ang recoveries.
Sa kabuuan, sumampa na sa 3,739,160 sa nationwide COVID-19 tally sa bansa.
