Stranded ang ilang motorista sa National Highway Road sa Barangay Naguma sa Mabitac, Laguna matapos malubog sa baha dulot ng bagyong Paeng.
Samantala, patuloy na nadaraanan ng mga sasakyan ang isang bahagi ng tulay ng naguma sa kabila ng abot tuhod rin na tubig-baha.
Pinaalalahanan ang mga motoristang dumadaan sa nasabing kalsada at tulay na mag-ingat makaraang magsilaglagan ang mga naputol na sanga ng puno sa kalsada. – sa panulat ni Maze Aliño-Dayundayon
