Nagsimula na rin ang operasyon ng inilagay na vaccination site sa Light Rail Transit Line 1 (LRT 1) sa Monumento at Balintawak Station.
Ayon sa Light Rail Transit Authority (LRTA), maaring magtungo at magpabakuna sa LRT 1 Monumento ng ang first dose at booster shot ng Janssen at Astrazeneca, habang nag bibigay naman ng second dose at booster shot ng Astrazeneca at Sinovac sa Balintawak Station.
Target umano ng pamunuan ng LRT na makapagpabakuna ng 300 indibidwal kada linggo sa mga nasabing ostasyon.
Magugunita na unang nagsagawa ng vaccination drive ang pamunuan ng LRT sa Baclaran at Central Stations kung saang tinatayang aabot sa 745 na pasahero ang nabigyan ng bakuna kontra COVID-19. -sa panulat ni Mara Valle
