Inaasahang makararating na ang mga bakuna kontra COVID-19 mula sa kumpaniyang Moderna sa kalagitnaan ng taong kasalukuyan.
Ito ang inihayag ng Moderna makaraang kumpirmahin nito na maglalaan sila ng 13 milyong doses ng mga bakuna.
Maliban dito, inihayag ng Moderna na pinaplantsa na rin nila ang hiwalay na kontrata sa pagitan ng pamahalaan at ng pribadong sektor para sa karagdagang pitong milyong bakuna na kanilang ilalaan.
Nabatid na aabot sa 20 milyong doses ng mga bakuna kontra COVID-19 ang bibilhin ng Pilipinas mula sa Moderna at inaasahan itong maihahatid sa buwan ng Hunyo.
