Magsisimula na ang paglilibot ng mobile vaccination ng Philippine Red Cross (PRC) bukas.
Ito ay limang araw na mag-iikot-ikot sa iba’t-ibang barangay sa Navotas City para makapagbigay pa ng bakuna kontra COVID-19 sa mga residente lalo na sa mga bedridden at sa mga hirap umalis ng bahay.
Una nitong pupuntahan ang Bagumbayan North, sunod ang North Bay Blvd. North at Bangkulasi Nuestro Senior sa March 8, NBBS Proper sa March 9, Nbbs Dagat-dagatan sa March 10 at NBBS-Kaunlaran at San Rafael Village sa March 11.
Tatanggap naman ng walk-in ang naturang vaccination bus. – sa panulat ni Airiam Sancho
