Pinaiimbestigahan na ng Metropolitan Manila Development Authority o MMDA ang mga nagpapakalat ng maling impormasyon patungkol sa pagbabakuna kontra COVID-19.
Ayon kay MMDA Chairman Benhur Abalos animo’y trend ito na nangyari na noong isang araw ay nangyayari na naman ngayon.
Nanawagan din si Abalos na huwag basta maniniwala sa mga ganitong impormasyon at agad na tawagan ang kanilang LGU.
Dumagsa kasi ang mga magpapabakuna sa Araneta Coliseum sa Quezon City makaraang makita umano ang isang Facebook post na tatangap daw ng walk-in na vaccination doon.
Ayon naman sa Quezon City LGU, kinakailangan na magparehistro bago mabakunahan.—sa panulat ni Rex Espiritu
