Nasa bansa na ang dalawa sa mga kandidata para sa Miss Universe 2016.
Sina Miss New Zealand Tania Pauline Dawson at Miss USA Deshauna Barber ay kabilang sa sampung kandidata ng Miss Universe na inaasahang unang darating sa bansa para sa kick off ng ika-65 Miss Universe Beauty Pageant kung saan host ang Pilipinas.
Bukod kina Dawson at Barber, nasa bansa na rin si Rebecca Glassman, ang executive coordinator ng Miss Universe.
Inaasahang magtutungo sa Malacañang at haharap sa press conference ang mga nagdatingang kandidata para sa Miss Universe.
Isang linggong mananatili sa bansa ang mga kandidata ng Miss Universe para magtungo sa ilang venue ng pre-pageant activities tulad ng Cebu at Siargao.
By Len Aguirre | Raoul Esperas (Patrol 45)
