Isasagawa sa Henann Resort Convention Center sa Panglao, Bohol ang Miss Universe Philippines 2021 Pageant na gaganapin sa September 30, 2021.
Ito ay matapos mapostpone ang orihinal na petsa ng naturang pageant.
Ayon sa pamunuan ng Miss Universe Philippines, all set na ang mga kandidatang lalahok sa naturang aktibidad.
Bukod pa dito ipinasilip din ng 28 kandidata ang kanilang makukulay na national costumes na gawa ng mga talented filipino fashion designers sa bansa.
Inaasahan naman na makakapunta ang reigning Miss Universe Philippines na si Rabiya Mateo para ipasa ang korona sa susunod na pambato ng Pilipinas sa 70th Miss Universe Pageant na gaganapin ngayong December sa Eilat, Israel. —sa panulat ni Angelica Doctolero
