Maagang naglunsad ng airstrikes ang air assets ng Philippine Air Force sa puwesto ng mga natitira pang Maute terrorist group sa Marawi City.
Ayon sa ulat, ala-6:00 pa lamang ng umaga nang sunod-sunod na maghulog ng bomba ang tropa ng militar.
Batay sa pahayag ng AFP o Armed Forces of the Philippines, patuloy sa pagliit ang lugar na ginagalawan ng mga terorista dahil sa masidhing operasyon ng pamahalaan laban sa mga ito.
Ngayong araw ang ika-43 araw magmula nang ideklara ng Pangulong Rodrigo Duterte ang Martial Law sa Mindanao dahil sa pag-atake ng Maute sa Marawi.
By Ralph Obina
